பிட்சாவையும் பர்கரையும்
சுவைக்கயிலும்
அம்மா வைக்கும்
கருவாட்டுக் குழம்பை
நினைத்து
நா ஊறுகையில்;
அழுக்கு ஜீன்ஸை
ஆயிரம் ரூபாய்க்கு
வாங்கிவிட்டு
ஆட்டோக்காரனிடம்
ஐம்பது பைசாவுக்கு
சண்டையிகையில்;
சாலையோர
சல்வாரையும் மிடியையும்
ரசித்துவிட்டு
சகோதரிக்கு மட்டும்
சேலையை தேர்ந்தெடுக்கையில்;
அவ்வப்போது
எட்டிப்பார்த்து விடுகிறான்
மென்பொறியாளன்
போர்வைக்குள்ளிருக்கும்
கிராமத்தான்!
நீயும்
பாலைவன வானிலை
போலத்தான்.
சுட்டாலும்
மெய்கருக சுடுவாய்;
பொழிந்தாலும்
உயிர் நனைய பொழிவாய்.
கதவு திறந்து
தேவதையாய் நீ
புகுந்துபோது தான்
அலுவலகம் கோவில் போன்றது
என்பதன்
பொருள் விளங்கிற்று.
‘காதலித்துப்பார்’க்க சொன்னார் வைரமுத்து. கடலை போட்டுப்பார்த்தால் எப்படியிருக்கும்?
கடலை போட்டுப்பார்
உன்னை நீயே
அழகாய் காண்பாய்;
பேச்சில் சுவை கூடும்
ரசனைகள் மாறும்
அவசரமாய் ஆங்கிலம்
கற்பாய்;
அகராதி துணையுடன்
அகதா கிறிஸ்டி படிப்பாய்.
கடலை போட்டுப்பார்!!
*
இரவுக்கும் பகலுக்கும்
வித்தியாசம் மறப்பாய்;
மனிதத் தனிமை
சுகமென்பாய்,
தொலைபேசி துணையில்
இன்புறுவாய்.
செல்பேசிச் சூட்டிலே
வார்த்தைகள் உருகும்
குறுந்தகவல் அனுப்பியே
கட்டைவிரல் தேயும்.
கடலை போட்டுப்பார்!!
*
நாளின் நீளம்
குறைவென்பாய்
பத்து நிமிட அலுவலும்
பளுவாய் படும்.
காதல் பாடல்கள்
மட்டுமே இசையாகும்;
கவிதை எழுத
புறப்படுவாய்.
ஆள் பாதி,
ஆடை பாதி;
மேன்மையான நீதியென்று
மெனக்கெடுவாய்.
கடலை போட்டுப்பார்!!
தேடித் தவங்கிடக்கையில்
சிக்காது,
ஏதோ ஒரு
மௌன கணத்தில்
வந்தடைந்து வியப்பூட்டும்
கவிதையும்
காதலும்!
| ஞா | தி | செ | பு | வி | வெ | ச |
|---|---|---|---|---|---|---|
| « அக் | டிச » | |||||
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | ||
 | kalyanakamala மேல் இப்படிக்கு நட்பு – … |
 | Karthik narayan மேல் சுயதம்பட்டம் |
| Karthik narayan மேல் இது காதல் காலம் – 1… |
| Karthik narayan மேல் இது காதல் காலம் – 1… |
 | saki மேல் இது காதல் காலம் – 1… |
